Рафинья 2026/2027 йилги мавсумни марказий ҳужумчи позициясида бошлади. Ла Лига ва Чемпионлар лигасидаги саккизта ўйинда бразилиялик футболчи ўз ҳисобига 14 та гол ва 3 та голли узатмани ёзиб қўйди.
El Nacional хабарига кўра, «Барселона» бош мураббийи Ханс-Дитер Флик Рафиньяни ўтган мавсумдаги каби хатога йўл қўймаслик ҳақида огоҳлантирган. Германиялик мутахассис бразилиялик футболчининг терма жамоасидаги ўртоқлик ўйинларида ҳаддан ташқари зўриқишини ва жароҳат олиш хавфига дуч келишини хоҳламайди.
«Флик Рафиньянинг терма жамоада қанча вақт ўйнашини ҳал қила олмайди, аммо у ўз мурожаатини футболчига аниқ етказди: организмга қулоқ солиш ва чарчоқ аломатларини эътиборсиз қолдирмаслик зарур», — дейилади хабарда.
«Барселона» 21 очко жамғариб, етти турдан сўнг Испания чемпионатида ишонч билан пешқадамлик қилмоқда.
