Osiyo Kubogi guruh bosqichi so‘nggi turida O‘zbekiston milliy jamoasiga qarshi kechgan bahsdan so‘ng Yaponiya bosh murabbiyi Xajime Moriyasu o‘z fikrlarini bildirib o‘tdi.

"O‘ylaymanki o‘tkazib yuborilgan goldan so‘ng tezda vaziyatni o‘nglay oldik. Musobaqa boshlanishi oldidan jamoamizni birdam bo‘lishga kelishib olgan edik. Biz bu yerdamiz va guruhdagi barcha o‘yinda g‘alaba qozonishga muvaffaq bo‘ldik. O‘ylaymanki, musobaqa oxiriga qadar mana shunday birdam bo‘lamiz. Jamoamiz jismoniy jihatdan yaxshi imkoniyatga ega.

O‘zbekistonga qarshi kechgan o‘yin biz uchun sinov bo‘ldimi? Yo‘q, biz bu o‘yinga sinov sifatida qaramadik. O‘tkazilgan goldan so‘ng futbolchilarimiz o‘zini yo‘qotib qo‘ymadi va xotirjamlik bilan hisobni tenglashtirdi. Jamoamiz butun musobaqaga tayyorlangan va g‘alaba qozonish uchun dadil borishni maqsad qilganmiz.

Nimchorak finalda bizga raqib Saudiya Arabiston bo‘ladimi yoki Qatarmi, u qadar farqi yo‘q. Har ikkisi ham kuchli raqib.

Faqat ikkinchi bo‘lim emas, balki butun o‘yin davomida himoyadan hujumga o‘tishda yaxshi harakat qildik. Biz o‘z imkoniyatlarimizdan foydalandik", -deydi mutaxassis.