«Yuventus» hujumchisi Krishtianu Ronaldu daromadlarini soliqlardan yashirgani uchun Madrid sudi tomonidan jazoga tortilganidan xabaringiz bor. Shu sababga ko‘ra u Portugaliyada risarlik unvonidan mahrum etilishi mumkin. Portugaliya prezidenti Marselu Rebelu de Souza buni tasdiqladi.

Futbolchi 2014 yilning yanvar oyida «Shahzoda Genri» ordeni va 2016 yilda Yevropa chempionatidagi g‘oliblik uchun «Xizmatlari uchun» ordeni bilan taqdirlangandi.

Ispaniya sudi ushbu haftada Ronalduni 23 oyga shartli qamoq jazosiga tortdi va unga nisbatan 18,8 million yevro miqdorida jarima qo‘lladi.

«Qonun juda oddiy: milliy darajadagi orden sohiblari unvondan mahrum qilishga sabab bo‘ladigan ayblari bor-yo‘qligini tushuntirib berishlari kerak.

Buni huquqiy jihatdan vakolatga ega bo‘lganlar o‘rganib, bunday vaziyatda qanday qaror qabul qilishimiz lozimligini ko‘rib chiqishimiz lozim», – dedi de Souza.