"Borussiya" D yarimhimoyachisi Sindzi Kagava qishki transferlar oynasi yopilguniga qadar "Monako"ga o‘tishi mumkin.

France Football xabariga ko‘ra, monegasklar rahbariyati yapon futbolchisini taklif qilish masalasini ko‘rib chiqmoqda. 29 yoshli futbolchining transferi amalga oshishi qiyin bo‘lmaydigan ko‘rinadi, chunki u "Borussiya" ustozi Lyusen Favrning rejalariga kirmagan.

Kagava ushbu mavsumda dortmundliklar safida ikki marta maydonga tushdi. Nemislar uni 2-3 mln yevroga sotib yuborishlari mumkin.

Futbolchi avvalroq Ispaniya chempionatiga o‘tgisi kelayotganini ma’lum qilgan edi.