Manbalarning xabar berishicha, Xabi Alonso jamoaga kelganidan so‘ng «Chelsi» hujumchi Liam Delap bilan xayrlashadi. Bu haqda futbol jurnalisti Mik Braun ma’lum qildi.

Insayderning ta’kidlashicha, Delap «Ipsvich»dan o‘tganidan so‘ng «aristokratlar» safida muvaffaqiyatsiz mavsumni o‘tkazdi. Braun Football Insider nashriga bergan intervyusida Delapning o‘yin uslubi «Chelsi»ga mos kelmasligini, shu sababli Alonso tarkibni bo‘shatish va transferdan mablag‘ ishlab olish uchun hujumchini sotib yuborishni ma’qul ko‘rishini aytdi.

Liam Delap joriy mavsumda London klubi safida 40 ta o‘yinda maydonga tushdi. Hujumchi hisobida 2 ta gol va 3 ta golli uzatma bor.