«Real» hujumchisi Karim Benzema Ispaniya kubogining chorak final bosqichi doirasida «Jirona»ga qarshi bo‘lib o‘tgan javob bahsida ikkita gol urdi.
Fransiyalik futbolchining "Qirollik klubi" safidagi jami gollari soni 209taga yetdi. U La ligada — 136, YECHLda — 47, Ispaniya kubogida — 20, Klublar o‘rtasidagi JCHda — 3, Ispaniya superkubogida — 2 va UYEFA superkubogida 1ta golga mualliflik qilgan.
Shu tariqa, Karim «Real» tarixidagi to‘purarlar ro‘yxatida 6-o‘ringa ko‘tarilib oldi. Benzema 208ta gol urgan Ugo Sanchesni ortda qoldirdi.
Faktlar:
— To‘purarlar ro‘yxatining beshinchi pog‘onasini 237ta gol bilan Ferens Pushkash egallab turibdi.
— To‘rtinchi o‘rindagi Karlos Santilyana hisobida 288ta gol mavjud.
— Kuchli uchlik esa Krishtianu Ronaldu (451), Raul (323), Alfredo Di Stefano (307)dan iborat.