Ertaga Qirg‘iziston poytaxti Bishkek shahrida karate WKF bo‘yicha bolalar, o‘smirlar va kattalar o‘rtasida “Bishkek Open-2019” xalqaro turniri boshlanadi. Bu yil 12 marotaba tashkil etilayotgan musobaqada O‘zbekiston karate milliy federasiyasi ham 35 nafar sportchi bilan ishtirok etadi.
Ushbu musobaqada vatanimiz sharafini Suhrob Sa’dullayev, Sulaymonbek Yusupov, Jahongir Boltaboyev, Komron Madaminov, Bekzod Hayitboyev, Feruzbek Ro‘zmetov, Jamshid Xojakmetov, Sunnatillo Xudoyberganov, Suhrob Rustamov, qizlardan Sevinch Rahimova, Dildor Annadurdiyeva kabi iqtidorli sportchilarimiz himoya qilishadi.
Musobaqa g‘oliblari 10 fevral kuni aniqlanadi.
