Ispaniya kubogining yarim final bosqichi doirasida ikkinchi o‘yin bo‘lib o‘tdi. «Betis» o‘z maydonida «Valensiya»ni qabul qilib, durangga imzo chekdi.

Vaholanki, mezbonlar o‘yin davomida 2ta to‘p farqi bilan oldinda borishayotgan edi. Birinchi bo‘lim so‘ngida Moron hisobni ochgan bo‘lsa, bahsning 54-daqiqasida Xoakin Sanches burchak zarbasini to‘g‘ridan-to‘g‘ri golga aylantirdi. Gol VAR yordamida inobatga olindi.

Valensiyaliklar esa hisobni tenglashtirishga muvaffaq bo‘lishdi. Dastlab Cherishev, o‘yinga qo‘shib berilgan daqiqalarda esa Gameyro raqib darvozasini ishg‘ol qildi.

Javob o‘yini 28 fevral kuni "Mestalya" stadionida bo‘lib o‘tadi. Eslatib o‘tamiz, Ispaniya kubogi final uchrashuvi "Betis" klubiga qarashli stadionda 25 may kuni o‘tkaziladi.

Ispaniya kubogi. Yarim final, dastlabki o‘yin
Betis – Valensiya 2:2 (1:0, 1:2)
Gollar: 1:0 – 45 Moron, 2:0 – 54 Sanches, 2:1 – 70 Cherishev, 2:2 – 90 Gameyro.
Betis – Robles, Bartra (Garsiya, 10), Sidney, Firpo (Gerrero, 80), Mandi, Guardado, Sanches, Kanales, Vilyam Karvalyu, Lo Chelso, Moron (Xese, 78).
Valensiya – Domenek, Garay, Gayya, Pichchini, Gabriel, Soler (Vass, 78), Koklen (Kondogbia, 58), Parexo, Cherishev, Rodrigo, Santi Mina (Gameyro, 58).
Ogohlantirish: Firpo (15), Rodrigo (52), Soler (65), Parexo (73).