"Liverpul" klubi bosh murabbiyi Yurgen Klopp Angliya chempionati 26-tur doirasida "Bornmut" jamoasi ustidan qozonilgan g‘alaba haqida fikr bildirib o‘tdi.
"Biz bundan oldingi ikkita o‘yindagi o‘yinimizdan norozi edik. Jamoa standartlarda kichik muammolarga duch keldi va ko‘p narsalarni o‘zgartirishi kerak.
Jarohatlar ham bizni qiynadi, o‘yinga tayyor bo‘lib turgan futbolchilarimiz uchrashuvdan oldin kasal bo‘lib qoldi.
Bugun "Liverpul" ajoyib g‘alabani qo‘lga kiritdi. Jamoa haqiqiy o‘yinini ko‘rsatdi. Uchinchi gol bu jahon miqyosidagi gol.
O‘zimizni ko‘rsatmoqchi edik. Bizning maqsadimiz faqatgina maydonga tushish emas. Biz yaxshi futbolni namoyish qilishimiz kerak", - deydi Klopp VVS nashriga.
"Liverpul" klubi 65 ochko bilan peshqadamlik qilib turibdi.
