Xokkey bo‘yicha O‘zbekiston chempionatida uchinchi tur bahslari bo‘lib o‘tdi. Musobaqa peshqadami «Semurg‘» aynan shu turga kelib ilk mag‘lubiyatini qabul qilib oldi.
Jamoa «Toshkent»ga 2:4 hisobida mag‘lub bo‘ldi. Ikkinchi o‘yinda esa «Humo» «Binokor» ustidan 3:1 hisobida g‘alaba qozondi.
«Binokor» uchta o‘yinki g‘alaba nimaligini bilmayapti va turnir jadvalida so‘nggi o‘rinni egallab turibdi. «Humo» esa dastlabki turdagi mag‘lubiyatdan so‘ng o‘ziga kelib oldi va ketma-ket ikkita g‘alabadan so‘ng «Toshkent» va «Semurg‘»ga yetib oldi. Har uchchala jamoa hisobida ayni paytda 4 ochko mavjud.
