O‘z tarixida ilk marta Osiyo chempionlar ligasida ishtirok etgan AGMK klubi guruh bosqichi yo‘llanmasini qo‘lga kirita olmadi. Olmaliqlar bugun Saudiya Arabistonida "An-Nassr" klubi mehmoni bo‘lib, yirik hisobda imkoniyatni boy berishdi.

Bahs davomida saudiyaliklar to‘la ustunlikka ega bo‘lishdi. Jamoamiz tanaffusga qadar yaxshi harakat qilib, darvoza daxlsizligini saqlab qoldi. Ammo ikkinchi bo‘limda "An-Nassr" olmaliklar darvozasiga 4 marta yo‘l topdi. O‘tkazib yuborilgan dastlabki gollardan keyin Qosimov shogirdlari hujum tashkil qilishga harakat qilishdi. Ammo ular yaratilgan kam sonli vaziyatlardan foydalana olishmadi.

Shu tariqa, AGMK Osiyo chempionlar ligasidagi yurishini guruh bosqichi ostonasida to‘xtatishga majbur bo‘ldi.

OCHL, 3-saralash bosqichi
AL NASR – AGMK - 4:0
Gollar:  Umar Havsaviy (54), Sulton al-G‘annam (62), Juliano (78, 90+2)
"An-Nassr": 1.Bred Jons, 2.Sulton Al G‘annam, 4.Omar Xavsavi, 13.Abdulrahmon Al Obayd, 16.Abdulaziz Al Jebrin, 17.Abdulloh Al Xaybari, 18.Maykon, 38.Fahad Bin Jumayah, 42.Firas Al Birakan, 71.Abdulloh Al Salim, 77.Juliano.
AGMK: 32.Suhrob Sultonov, 5.Dilshod Jo‘rayev, 8.San’at Shixov, 9.Zafar Polvonov, 19.Jasur Hasanov, 22.Miryulub Kostich, 23.Akmal Shorahmedov, 31.Saydullo Rahmatov, 33.Sardor Rahmonov, 44.Bobur Yuldashov.