Ўз тарихида илк марта Осиё чемпионлар лигасида иштирок этган АГМК клуби гуруҳ босқичи йўлланмасини қўлга кирита олмади. Олмалиқлар бугун Саудия Арабистонида "Ан-Насср" клуби меҳмони бўлиб, йирик ҳисобда имкониятни бой беришди.

Баҳс давомида саудияликлар тўла устунликка эга бўлишди. Жамоамиз танаффусга қадар яхши ҳаракат қилиб, дарвоза дахлсизлигини сақлаб қолди. Аммо иккинчи бўлимда "Ан-Насср" олмаликлар дарвозасига 4 марта йўл топди. Ўтказиб юборилган дастлабки голлардан кейин Қосимов шогирдлари ҳужум ташкил қилишга ҳаракат қилишди. Аммо улар яратилган кам сонли вазиятлардан фойдалана олишмади.

Шу тариқа, АГМК Осиё чемпионлар лигасидаги юришини гуруҳ босқичи остонасида тўхтатишга мажбур бўлди.

ОЧЛ, 3-саралаш босқичи
АЛ НАСР – АГМК - 4:0
Голлар:  Умар Ҳавсавий (54), Султон ал-Ғаннам (62), Жулиано (78, 90+2)
"Ан-Насср": 1.Брэд Жонс, 2.Султон Ал Ғаннам, 4.Омар Хавсави, 13.Абдулраҳмон Ал Обайд, 16.Абдулазиз Ал Жебрин, 17.Абдуллоҳ Ал Хайбари, 18.Майкон, 38.Фаҳад Бин Жумаяҳ, 42.Фирас Ал Биракан, 71.Абдуллоҳ Ал Салим, 77.Жулиано.
АГМК: 32.Суҳроб Султонов, 5.Дилшод Жўраев, 8.Санъат Шихов, 9.Зафар Полвонов, 19.Жасур Ҳасанов, 22.Мирюлуб Костич, 23.Акмал Шораҳмедов, 31.Сайдулло Раҳматов, 33.Сардор Раҳмонов, 44.Бобур Юлдашов.