«Manchester Yunayted» klubi sobiq bosh murabbiyi Joze Mourinyo «Manchester Siti» ustozi Xosep Gvardiolaning ishiga baho berdi.

«Siti» — barcha narsani biladigan jamoa. Ular o‘yinning eng mayda jihatlaridan yaxshi xabardor. Ular bajarayotgan ishni faqat katta tajribaga ega bo‘lgan va aqlli futbolchilar bilan amalga oshirish mumkin.

Ular hakamni 3-4 kishi bo‘lib o‘rab olishadi va uning qaroriga ta’sir ko‘rsatishga urinishadi. Bu orqali ular raqibning jazolanishiga erishishadi.

Bundan tashqari, bu jamoa futbolni ham zo‘r o‘ynaydi. O‘yin paytida mayda jihatlardan oqilona foydalanishadi. Bu esa yakunda muhim ahamiyatga ega bo‘ladi», — dedi Mourinyo.

Gvardiola 2016 yilning yozidan beri «Manchester Siti»ni boshqarib kelmoqda. "Shaharliklar" kecha Angliya liga kubogi finalida penaltilar seriyasi orqali «Chelsi»ni mag‘lub etishdi. Kataloniyalik mutaxassis uchun bu faoliyatidagi 25-sovrin bo‘ldi. Ushbu natija bo‘yicha u Mourinyo bilan tenglashib oldi.