"Paxtakor" Osiyo Chempionlar Ligasi 1-turida 5 mart kuni "Persepolis" mehmoni bo‘ladi.

"Persepolis" nafaqat Eron, balki Osiyoda ham eng mashhur jamoalardan biri hisoblanadi. Jamoa uy o‘yinlarini o‘tkazadigan "Ozodiy" stadioni aksariyat uchrashuvlar paytida ishqibozlar bilan to‘ladi. Oxirgi ikki mavsumda jamoa Chempionlar Ligasida ham o‘zini ko‘rsatib, kamida yarim finalgacha yetib keldi. O‘tgan mavsumda esa finalda "Kashima Antlers"ga imkoniyatni boy berib qo‘ydi.

"Persepolis" hozirga qadar Eron chempionatida 11 marta, Eron Kubogida esa 5 bor g‘alaba qozongan. Osiyo Kubok egalari Kubogida 1991 yil zafar quchgan. Chempionlar Ligasida esa 5 yarim final va bir bor finalda o‘ynagan.

2015 yildan buyon tehronliklarni xorvatiyalik mutaxassis Branko Ivankovich boshqarmoqda. U Eron chempionatida ketma-ket ikki bor zafar quchib, Chempionlar Ligasida yuqori natijalarni qayd etib kelmoqda.

Jamoa safidan Alirizo Beyranvand, Said Jalol Hussayniy, Mehri To‘robiy, Ali Alipur kabi mahalliy yuqori saviyadagi futbolchilar o‘rin olgan. "Persepolis"ning Chempionlar Ligasi uchun ro‘yxati bilan tanishing.

Darvozabonlar
1. Alirizo Beyranvand
12.Abulfazl Darvishvand
44. Bozidar Radoshevich (Xorvatiya)

Himoyachilar
3. Shojaiy Xalilzoda
4. Said Jalol Hussayniy
13. Hussayn Mahiniy
15. Muhammad Ansariy
17. Mehdi Shiriy
28. Muhammad Nodiriy
38. Said Ehson Hussayniy
69. Ali Moslah Taklimiy

Yarim himoyachilar
2. Omid Alishoh
5. Bashar Resan (Iroq)
7. Surush Rafeiy
8. Ahmad Nurollohiy
11. Kamoliddin Kamyabinia
18. Muhsin Rabixon
21. Adam Ne’matiy
26. Said Hussaynpur
88. Siamak Ne’matiy

Hujumchilar
9. Mehri To‘robiy
10. Mehdi Sharifiy
19. Mario Budimir (Xorvatiya)
23. Muhammad Amin Asadiy
66. Said Karimiy
70. Ali Alipur