O‘zbekiston futbol assosiasiyasi O‘zbekiston Davlat Jismoniy tarbiya va sport universiteti bilan hamkorlikni yo‘lga qo‘ygani haqida avval xabar berib o‘tgandik.
Mazkur hamkorlikdan asosiy maqsad Universitet talabalari orasida futbol hakamligi va murabbiyligi bilan shug‘ullanish istagida bo‘lgan yoshlarni har tomonlama qo‘llab-quvvatlash, xalqaro musobaqalarda faoliyat olib boradigan iqtidorli hakamlar va iste’dodli murabbiylarni tayyorlashdan iborat.
Bugun O‘FA Hakamlar va nazoratchilar departamenti tomonidan O‘zbekiston Davlat Jismoniy tarbiya va sport universiteti talabalari bilan uchrashuv tashkil etildi. Uchrashuvda taniqli hakam, FIFA referisi Ravshan Ermatov, uning yordamchisi Abduhamidullo Rasulov, O‘FA Hakamlar va nazoratchilar departamenti boshlig‘i Ma’mur Saidqosimov, O‘zbekiston Davlat Jismoniy tarbiya va sport universiteti rektori Mahmudjon Boltaboyev hamda universitet talabalari ishtirok etishdi.
Uchrashuv davomida Ravshan Ermatov hakamlik kasbining o‘ziga xos tomonlari haqida gapirib berdi. Hakamlik bilan shug‘ullanishni istagan talabalar qaysi jihatlarga e’tibor qaratishlari zarurligi ta’kidlandi. Shuningdek, talabalar orasida hakamlik uchun nomzodlarni tanlab olishda e’tibor qaratiladigan mezonlar haqida tushuntirish berib o‘tildi.
Uchrashuv davomida talabalar o‘zlarini qiziqtirgan savollar bilan Ravshan Ermatovga murojaat qilishdi va tegishli javoblar olishdi.
Neymar va Ronaldu uchrashishdi (foto) [4437]
Mourinyoning keyingi jamoasi nomi ma’lum bo‘ldi [3843]
Sport TV'da 19-may kuni 4 ta jonli futbol translyasiyasi bor [2897]
Ronaldu: "Arsenal" baribir chempion bo‘lolmaydi" [2710]
Levandovskining keyingi mavsumdagi maoshi qancha ekanligini bilasizmi? [2637]
"Real" rahbariyatini Anchelotti ko‘ndirgan [2368]
"Barselona" yozda transferlarsiz qolishi mumkin [2357]
"Borussiya" muxlislari Roysga hurmat bajo keltirishdi (foto) [2291]
Rafinya Xavining akasini haqorat qilgani ma’lum bo‘ldi [2275]