"Real" yarimhimoyachisi Luka Modrich avval jamoa safida to‘p surgan Krishtianu Ronalduning ta’siri haqida so‘zladi.

"Ronaldu - istalgan jamoaga kerakli futbolchi. Uning o‘rniga munosib o‘yinchi topish amrimahol. Uning klub uchun qilgan xizmatlarini hisobga olsak, albatta, u bizga yetishmayapti. Klub uning vazifasini boshqa futbolchilarga bo‘lib berishga harakat qildi, ammo bu osonmas.

U 50 talab gol urar edi, yana bitta shunday o‘yinchini topa olmaysiz. Kimdir otilib chiqishi kerak va 50 ta bo‘lmasa ham 15-20, hech bo‘lmasa 10 ta gol urishi kerak. Bizga yetishmayotgan narsa shu. Vaziyatlardan unumli foydalanish - bu mavsumdashgi eng katta muammomiz. Ammo Krishtianu endi yo‘q va biz 10 yillab uning yo‘qligidan noliy olmaymiz", - deydi Modrich.