Osiyo chempionlar ligasi guruh bosqichi 2-turidan o‘rin olgan “Paxtakor” – “Al-Ahli” uchrashuvi mezbonlarning g‘alabasi bilan tugadi.
O‘yindan so‘ng “sherlar” bosh murabbiyi Shota Arveladze fikrlarini bildirib o‘tdi.
“Jamoamiz butun o‘zbek xalqining jamoasi. Biz hozir amalga oshirish kerak bo‘lgan ishlarni qilyapmiz. Bundan ham ko‘prog‘ini uddalashni istaymiz.
Guruhimiz qiyin, barcha jamoalar kuchli. Muxlislar, futbolchilar ishonchga ega. O‘yindan avval o‘yinchilarda ishonchni ko‘rdim. Buni maydonga ko‘chirish kerak edi. G‘alaba uchun o‘ynadik va buni uddalay oldik. Bizda vaziyatlar ko‘proq bo‘ldi.
Mavsumni Chempionlar Ligasida to‘rt uchrashuv bilan boshladik. Biz yaxshi holatga kirib boryapmiz”, - deydi Arveladze.
