AQSHning Las-Vegas shahrida og‘ir atletika bo‘yicha o‘smirlar o‘rtasida jahon chempionati bahslari o‘z yakuniga yetdi. Musobaqa yakunlangach, turnirda alohida yo‘nalishlarda eng kuchli sportchilar ham aniqlab olindi.
E’tiborlisi, qizlar o‘rtasida 2 ta yo‘nalishda jahon rekordini o‘rnatgan yurtdoshimiz Kumushxon Fayzullayeva (-64 kg) musobaqaning eng yaxshi atleti, deb topildi. Sportchimizga ushbu sovrinni Xalqaro og‘ir atletika federasiyasi prezidenti Tomash Ayanning o‘zi topshirdi.
Qolaversa, turnirda qizlar terma jamoamiz medallar jamg‘arish bo‘yicha birinchi o‘rinni qo‘lga kiritdi. Vakilalarimiz musobaqa davomida 7 ta otin va 2 ta kumush medallarini o‘z hisoblariga yozdirib qo‘yishgan. Mazkur jahon chempionatida O‘zbekiston o‘smirlar terma jamoasi o‘z tarixidagi eng yaxshi natijasini qayd etdi. Musobaqada ishtirok etgan delegasiyamiz 18 mart kuni poytaxtimizga qaytib keladi.
