«Real»ning braziliyalik vingeri Vinisius Junior Myunxenning «Bavariya» klubi qiziqishlari doirasiga tushib qoldi.

Jurnalist Ekrem Konurning ta’kidlashicha, «Bavariya» 25 yoshli futbolchining holati bo‘yicha ma’lumot so‘ragan. Manbaning xabariga ko‘ra, «Real» Vinisius borasidagi takliflarni ko‘rib chiqishga tayyor, chunki Madrid klubi kelasi yozda uni erkin agent sifatida tekinga qo‘yib yuborishni istamayapti.

Avvalroq «Real» va Vinisius o‘rtasidagi yangi shartnoma bo‘yicha muzokaralar boshi berk ko‘chaga kirib qolgani haqida xabar berilgan edi.

Yakunlangan klub mavsumida Vinisius barcha turnirlarda jami 53 ta uchrashuvda maydonga tushib, raqiblar darvozasini 22 bor ishg‘ol qildi va 14 ta golli uzatmani o‘z hisobiga yozdirib qo‘ydi.