“Real” La Liganing 28-turida “Selta”ni mag‘lubiyatga uchratdi.

Bu g‘alaba madridliklar sardori Serxio Ramos uchun 300-g‘alaba bo‘ldi. Shu tariqa, ispaniyalik futbolchi ushbu natijaga erishgan sakkizinchi futbolchiga aylandi.

Ramos Ispaniya chempionatida “Sevilya” bilan 39 ta o‘yindan 19 tasida g‘alaba qozongan. “Real” bilan esa 419 ta o‘yinda 281 tasida muvaffaqiyatga erishgan.

La Ligada Ramosgacha bu natijani: Manuel Sanchis va Andres Inyesta (312), Xavi (322), Raul (327), Lionel Messi (332), Andoni Subisarreta (333) va Iker Kasilyas (334) qayd etgan.