Belarus davlatining Gomel shahrida dzyudo bo‘yicha o‘smirlar o‘rtasida xalqaro turnir bo‘lib o‘tdi.

Bu yil ikkinchi bor tashkil etilgan an’anaviy "Prayd Kubogi"da dunyoning 11 davlatidan 1000 nafarga yaqin o‘smir dzyudochilar ishtirok etishdi. Turnirda 2006-2007, 2008-2009 hamda 2010-2011 yillarda tavallud topgan sportchilar alohida uch guruhga bo‘lingan holda medallar uchun kurash olib borishdi. Yurtimiz sharafini esa O‘lmas Gulliyev murabbiyligidagi yosh polvonlar himoya qilishdi.

E’tiborlisi, hamyurtlarimizdan 3 nafari taqdirlash marosimida shohsupaga ko‘tarildilar. Xususan, Inom Bahodirov barcha raqiblarini mag‘lubiyatga uchratib, xalqaro turnirning oltin medaliga sazovor bo‘ldi. Ubaydulloh Botirov va Inoyatullo Telmonov esa bronza medalni qo‘lga kiritdi.