Беларус давлатининг Гомель шаҳрида дзюдо бўйича ўсмирлар ўртасида халқаро турнир бўлиб ўтди.
Бу йил иккинчи бор ташкил этилган анъанавий "Прайд Кубоги"да дунёнинг 11 давлатидан 1000 нафарга яқин ўсмир дзюдочилар иштирок этишди. Турнирда 2006-2007, 2008-2009 ҳамда 2010-2011 йилларда таваллуд топган спортчилар алоҳида уч гуруҳга бўлинган ҳолда медаллар учун кураш олиб боришди. Юртимиз шарафини эса Ўлмас Гуллиев мураббийлигидаги ёш полвонлар ҳимоя қилишди.
Эътиборлиси, ҳамюртларимиздан 3 нафари тақдирлаш маросимида шоҳсупага кўтарилдилар. Хусусан, Ином Баҳодиров барча рақибларини мағлубиятга учратиб, халқаро турнирнинг олтин медалига сазовор бўлди. Убайдуллоҳ Ботиров ва Иноятулло Телмонов эса бронза медални қўлга киритди.
