«Реал» яқинда Жозе Моуриньони жамоа бош мураббийи лавозимига тайинлади. Marca нашри саҳифаларида «қаймоқранглилар»нинг ушбу танловига бағишланган мақола чоп этилди. Унда айтилишича, «Реал»нинг бу қарори кўп жиҳатдан ўтган мавсумда Хаби Алонсо ва Альваро Арбелоа дуч келган кийиниш хонасидаги муаммоларни бартараф этишга қаратилган.
«Моуриньонинг қайтиши ортидаги сабабларнинг яширин томони ҳам бор. Гап мадридликлар клуби кийиниш хонасида тартиб ўрнатиш ҳақида бормоқда. Клубдан берилаётган ишора жуда аниқ янграмоқда: "Қани кўрамиз, энди ким ўз норозилигини билдираркин" — бу мунтазам тус олган ва иш жараёнига халақит берган асабий муносабатларга шамадир», — деб ёзади манба.
Флорентино Перес Жозе Моуриньони жамоада тартиб-интизом ўрнатиш учун энг идеал номзод деб ҳисоблайди.
