"Chelsi" hujumchisi Gonsalo Iguain Argentina milliy jamoasida boshqa o‘ynamasligini aytdi.

"Skaloni bilan gaplashib oldim va Argentina termasida boshqa o‘ynamasligimni aytdim. Milliy jamoa bilan munosabatim yaxshi, unga chetdan nazar tashlayman.

Uzoq o‘yladim va terma jamoadagi faoliyatim tugadi degan qarorga keldim. Ba’zilarning xursandchiligi uchun aytaman, milliy jamoadagi faoliyatim yakuniga yetdi.

Ko‘pchilik yangi o‘yinchilarni qo‘llab-quvvatlash o‘rniga, ularni tanqid qilmoqdalar. Hamma milliy jamoaning yangilanishini istagandi, bir oy o‘tmasdan hamma norozi.

Men 24 yilda ilk marta bizni yarimfinalga olib chiqishni istab Belgiya darvozasiga gol urgandim, JCH saralashida gol urgandim. Ammo odamlar faqat xatolarimni ko‘radilar. Futbol shunaqa.

Men haqimda gapirganlari tufayli, oilam qanday ahvolga tushganini ko‘rdim. Odamlar o‘ylamasdan gapiradilar, ular o‘zlarini hech qachon o‘rnimizga qo‘yib ko‘rmaydilar.

Futbol jihatidan gapirsalar, mayli, masalan, yaxshiroq hujumchi bo‘lsa. Ammo futboldan tashqari narsalarni gapirsalar va ziyon yetkazsalar - bu yomon. Bu ko‘ngilni aynitadi", - deydi Iguain.