"Челси" ҳужумчиси Гонсало Игуаин Аргентина миллий жамоасида бошқа ўйнамаслигини айтди.

"Скалони билан гаплашиб олдим ва Аргентина термасида бошқа ўйнамаслигимни айтдим. Миллий жамоа билан муносабатим яхши, унга четдан назар ташлайман.

Узоқ ўйладим ва терма жамоадаги фаолиятим тугади деган қарорга келдим. Баъзиларнинг хурсандчилиги учун айтаман, миллий жамоадаги фаолиятим якунига етди.

Кўпчилик янги ўйинчиларни қўллаб-қувватлаш ўрнига, уларни танқид қилмоқдалар. Ҳамма миллий жамоанинг янгиланишини истаганди, бир ой ўтмасдан ҳамма норози.

Мен 24 йилда илк марта бизни яримфиналга олиб чиқишни истаб Бельгия дарвозасига гол ургандим, ЖЧ саралашида гол ургандим. Аммо одамлар фақат хатоларимни кўрадилар. Футбол шунақа.

Мен ҳақимда гапирганлари туфайли, оилам қандай аҳволга тушганини кўрдим. Одамлар ўйламасдан гапирадилар, улар ўзларини ҳеч қачон ўрнимизга қўйиб кўрмайдилар.

Футбол жиҳатидан гапирсалар, майли, масалан, яхшироқ ҳужумчи бўлса. Аммо футболдан ташқари нарсаларни гапирсалар ва зиён етказсалар - бу ёмон. Бу кўнгилни айнитади", - дейди Игуаин.