Ma’lumki, mamlakatimiz bo‘ylab “Men boksni tanlayman” shiori ostida fleshmob o‘tkazish yo‘lga qo‘yildi.
Mazkur tadbirlar o‘z oldiga yoshlarni vatanparvarlik ruhida tarbiyalash, ularda Vatanga bo‘lgan muhabbatni oshirish, yoshlarimiz orasida sog‘lom turmush tarzini targ‘ib qilish kabi maqsadlarni qo‘yadi.
Bugun ana shunday tadbir Samarqand shahridagi Registon maydonida o‘tkazildi.
Tadbirda yoshlar, havaskor sportchilar, ota-onalar, jamoat tashkilotlari vakillari ishtirok etishdi.
Dasturdan o‘rin olgan viloyatning taniqli san’atkorlari ishtirokidagi madaniy konsert dasturi barchaga ko‘tarinki kayfiyat baxsh etdi.
Fleshmob davomida ko‘k va qizil rangli 2 xil formada 500 nafar yosh bokschi ijrosidagi ko‘rgazmali chiqishlar namoyish etildi, sport faxriylari bilan uchrashuv o‘tkazildi.
Yakunda ishtirokchilar tashkilotchilar tomonidan esdalik sovg‘alari bilan taqdirlandilar.
