Маълумки, мамлакатимиз бўйлаб “Мен боксни танлайман” шиори остида флешмоб ўтказиш йўлга қўйилди.

Мазкур тадбирлар ўз олдига ёшларни ватанпарварлик руҳида тарбиялаш, уларда Ватанга бўлган муҳаббатни ошириш, ёшларимиз орасида соғлом турмуш тарзини тарғиб қилиш каби мақсадларни қўяди. 

Бугун ана шундай тадбир Самарқанд шаҳридаги Регистон майдонида ўтказилди.

Тадбирда ёшлар, ҳаваскор спортчилар, ота-оналар, жамоат ташкилотлари вакиллари иштирок этишди.

Дастурдан ўрин олган вилоятнинг таниқли санъаткорлари иштирокидаги маданий концерт дастури барчага кўтаринки кайфият бахш этди.

Флешмоб давомида кўк ва қизил рангли 2 хил формада 500 нафар ёш боксчи ижросидаги кўргазмали чиқишлар намойиш этилди, спорт фахрийлари билан учрашув ўтказилди.

Якунда иштирокчилар ташкилотчилар томонидан эсдалик совғалари билан тақдирландилар.