“Surxon” Superligaga qo‘shildi. Sport-TV Surxondaryodan jonli translyasiyani ham eplay oldi. Faqat savol bor edi: qani stadionga sig‘may ketadigan muxlislar? 

“Bunyodkor”da 4 dona ham muxlis yo‘q, bizda 20 ming odam o‘yinga kiradi, degan gaplarni qish davomida ko‘p eshitdik. Ma’lumot uchun, 2018 yil o‘sha “Bunyodkor”ning aynan 2-turdan joy olgan “Paxtakor”ga qarshi o‘yinini ko‘rish uchun stadionga 22 ming ishqiboz tashrif buyurgan. 
Balki “Surxon” muxlislari ham faollashishi kerakdir? Ishonamanki, ular gap aynan Superligada to‘p surish haqida qolganini isbotlay olishadi.

Aytgancha, “Surxon” stadionida e’tibor qilgan bo‘lsangiz, muxlislar va futbol maydonini ajratib turuvchi to‘siq anchagina qisqartirilgan. “Andijon” ham bu ishni amalga oshirdi. “Metallurg” rahbariyati ham keyingi uy uchrashuviga qadar bu ishni qilmoqchi. 
“Paxtakor”da ham to‘siqlar katta. Biroq stadion 1 yil ichida to‘liq yangidan bunyod etilishi sababli, unda nimadir o‘zgartirish qilishga ehtiyoj yo‘q hozir. Yangi stadionda hammasi ideal bo‘ladi nasib bo‘lsa.