“Сурхон” Суперлигага қўшилди. Спорт-ТВ Сурхондарёдан жонли трансляцияни ҳам эплай олди. Фақат савол бор эди: қани стадионга сиғмай кетадиган мухлислар? 

“Бунёдкор”да 4 дона ҳам мухлис йўқ, бизда 20 минг одам ўйинга киради, деган гапларни қиш давомида кўп эшитдик. Маълумот учун, 2018 йил ўша “Бунёдкор”нинг айнан 2-турдан жой олган “Пахтакор”га қарши ўйинини кўриш учун стадионга 22 минг ишқибоз ташриф буюрган. 
Балки “Сурхон” мухлислари ҳам фаоллашиши керакдир? Ишонаманки, улар гап айнан Суперлигада тўп суриш ҳақида қолганини исботлай олишади.

Айтганча, “Сурхон” стадионида эътибор қилган бўлсангиз, мухлислар ва футбол майдонини ажратиб турувчи тўсиқ анчагина қисқартирилган. “Андижон” ҳам бу ишни амалга оширди. “Металлург” раҳбарияти ҳам кейинги уй учрашувига қадар бу ишни қилмоқчи. 
“Пахтакор”да ҳам тўсиқлар катта. Бироқ стадион 1 йил ичида тўлиқ янгидан бунёд этилиши сабабли, унда нимадир ўзгартириш қилишга эҳтиёж йўқ ҳозир. Янги стадионда ҳаммаси идеал бўлади насиб бўлса.