«Barselona» hujumchisi Lionel Messi Yevropa chempionlar ligasining chorak final bosqichida «Manchester Yunayted»ga qarshi bo‘lib o‘tgan o‘yinda (1:0) burnidan jarohat olgan edi.
Bahsning 30-daqiqasida "MYU" himoyachisi Kris Smolling havodagi to‘p uchun kurashda Messining yuziga qo‘li bilan zarba berib yubordi. Shundan so‘ng argentinalik futbolchining burni qonadi va unga tibbiy yordam ko‘rsatildi.
Lionel bugun tibbiy ko‘rikdan o‘tdi va uning yuz qismida jiddiy jarohat yo‘qligi aniqlandi. Shu bois, u «Ueska»ga qarshi kechadigan La liga bahsida maydonga tushishga tayyor. Ammo Ernesto Valverde shanba kungi o‘yinda argentinalik futbolchiga dam berishi mumkin.