Xabaringiz bor, bugun hududiy bolalar va o‘smirlar futbol akademiyalari o‘rtasida O‘zbekiston chempionati 2-turiga start berildi.
Ertaga Namangandagi "Yosh kuch" stadionida Namangan bolalar-o‘smirlar akademiyasi tarbiyalanuvchilari Jizzax akademiyasiga qarshi bahs olib boradi.
Mazkur o‘yinni qabul qilish uchun "Yosh kuch" stadioni shay holatga keltirilmoqda. Mazkur o‘yingoh akademiya balansiga o‘tganidan keyin bu yerda katta hajmdagi qayta ta’mirlash ishlari olib borildi. Hozirda stadion maysasi ajoyib holatga kelgan.
Jamoalar va muxlislar uchun barcha qulayliklar yaratildi. Ertaga bu stadionga tashrif buyuradigan muxlislar shiddatli to‘qnashuv guvohi bo‘lishlari kutilmoqda. 
