Jizzaxning “So‘g‘diyona” jamoasiga qarshi “Metallurg” muvaffaqiyatli o‘ynab kelayotgan klubdan sanaladi.

Mazkur jamoalar bugungacha oliy liga musobaqalarida o‘zaro 34 ta o‘yin o‘tkazishgan. Shulardan 14 tasida bekobodliklar, 13 tasida jizzaxliklar g‘alaba qozonishgan. 7 ta uchrashuvda esa  durang natija qayd etilgan. Kiritilgan va o‘tkazib yuborilgan to‘plar farqi – 48:48.

Mazkur jamoalar o‘rtasida qayd etilgan eng yirik hisob 4:0. “So‘g‘diyona” o‘z maydonida ham, safarda ham bir martadan shunday hisobda zafar quchgan. Eng gollarga boy o‘yin 2014 yili Zomindagi stadionda bo‘lib o‘tgan uchrashuvda kuzatilgan. Unda darvozalarga to‘qqizta to‘p kiritilgan. “Metallurg” jamoasi ham bir marta ham o‘z maydonida, hamda safarda bitta mavsumning o‘zida g‘alaba nashidasini surgan.

O‘tgan yilgi mavsumda “Metallurg” “So‘g‘diyona”dan 6 ochko olishga muvaffaq bo‘lgan. Jizzaxda 1:0, o‘z maydonida esa 2:0 hisobida g‘alaba qozongan.