Bugun Pro liganing «B» guruhida 3-tur uchrashuvlari bo‘lib o‘tdi.
Safarda «Chig‘atoy» mehmoni bo‘lgan yosh «qaldirg‘ochlarimiz» yomg‘irli havoda ajoyib o‘yin namoyish qilgan holda navbatdagi uch ochkoni qo‘lga kiritdi. Birinchi bo‘lim avvalida o‘z darvozasidan to‘p olib chiqqan jamoamiz ikkinchi bo‘limda bir kishi kam bo‘lib qolishdi. Lekin irodasi sinmagan yigitlar qolgan daqiqalarda kamchilik bilan bo‘lsa-da, hujumkorlikni pasaytirmadi va mezbonlar darvozasini ikki bor ishg‘ol qildi. Avvaliga Abbos Jumaqulov jarima maydoni tashqarisidan chiroyli zarba bilan hisobni tenglashtirgan bo‘lsa, oradan ko‘p o‘tmay himoyachi va darvozabonning xatosidan so‘ng ikkinchi gol ham «Chig‘atoy» darvozasidan joy oldi. Shu tariqa Murod Otajonov shogirdlari ikkinchi g‘alabani o‘z hisobiga yozib qo‘ydi.
PRO LIGA. «B» GURUHI. 3-TUR
«Chig‘atoy» - «Bunyodkor-2» - 1:2 (1:0)
23 aprel. Toshkent. «Chig‘atoy» maydoni. 49 tomoshabin.
Bosh hakam: Farrux Yansupov.
Qanot hakamlari: Behzod Xudoyberganov, Xusan Muzaffarov.
Zaxiradagi hakam: Adham Rihsiboyev.
Nazoratchi: Alisher Abdullayev.
Komissar: Zohir Akramxonov.
«Chig‘atoy»: Abdusafar Abdumavlonov, Abdulaziz Yoqubov, Dostonbek Ibrohimov, Karen Muratboyev, Muhammadazim Nurmatov (Sardor Yetovqo‘ziyev, 65), Ibrohim Halilov, Nodirbek Tursunov (Erkdiyor Rizayev, 81), Rahmatilla Qahhorov (Ibrohim Ro‘ziyev, 74), Rahimberdi Mamatkarimov, Eldorbek Erkinov (Islom Mamitov, 86), Doston Abdurasulov (Muslim Qurbonov, 59).
«Bunyodkor-2»: Akobir Qayumov, Otabek Bekboyev, Xusan Hasanov (Islom Abdujabborov, 46), Abbos Jumaqulov, Sunnatullo Abdullajonov, Sardor Usmonov (Abdulloh Mahkamov, 46; Javohir Musajonov, 86), Qalandar Qudratov, Abdug‘ani Kamolov, Bositjon Rahimov, Alijon Jo‘raboyev, Ixtiyor Xoldorov.
Gollar: Karen Muratboyev, 8 – 1:0. Abbos Jumaqulov, 68 – 1:1. Abdulaziz Yoqubov, 81-o‘z darvozasiga – 2:1.
Ogohlantirishlar: Alijon Jo‘raboyev, 14. Ibrohim Halilov, 34. Sardor Usmonov, 45. Qalandar Qudratov, 52. Abdulloh Mahkamov, 63. Eldorbek Erkinov, 65.
Chetlatish: Qalandar Qudratov, 55.
