«Dinamo» - «Navbahor» (2:2) uchrashuvida bitta gol va bitta golli pasga mualliflik qilib, o‘yinning eng yaxshi futbolchisi deb topilgan Sardorbek Eminov o‘yindan keyin uchrashuv borasida to‘xtaldi.

“Kutilganidek, o‘yin ancha tomoshabop va qiziqarli o‘tdi. Jangovor durangga mos bo‘ldi. Ikki tomon ham faqat g‘alabani ko‘zlagandik va omad kim tomon bo‘lsa o‘sha g‘alaba qozonardi. Biz mana shunday o‘ynashda davom etamiz uyda ham, safarda ham faqat g‘alaba qozonish uchun bor kuchimizni ishlatamiz. Chindanam, “Navbahor”ga qarshi uchrashuvni “Dinamo” uchun eng qiyin o‘yin va eng yaxshi o‘yin ham bo‘ldi, deyish mumkin”, – deydi hujumkor yarimhimoyachi.