O‘zbekiston Supperligasi 7-tur o‘yinlari yakuniga yetdi. Har doimgidek tur lauretlarini e’lon qilishda davom etamiz.
Stadion.uz talqiniga ko‘ra, Superliga 7-turining eng yaxshi murabbiyi deb “Navbahor” bosh murabbiyi Andrey Kanchelskis topildi.
Kanchelskis jamoasi Namangandagi ochilish o‘yinida Jizzaxning “Sug‘diyona”sini qabul qildi va 3:1 hisobida zafar quchdi. Mazkur bahsda jamoa nafaqat g‘alaba qozondi, balki chiroyli va mazmunli o‘ynab birinchi bo‘limning o‘zida raqib darvozasiga 3ta gol urishga erishdi. Buning zamirada Andrey Kanchelskisning mehnati kattaligi ko‘rinib turipti.
