Xabaringiz bor, bugun tunda “Liverpul” chempionlar ligasi yarim final javob o‘yinida “Barselona”ni qabul qildi. Mazkur bahsda “Liverpul” super kambekni amalga oshirib, ikki o‘yin natijasiga ko‘ra 4:3 hisobida g‘alaba qozonib, finalga yo‘l oldi. Uchrashuvdan so‘ng Twitter ijtimoiy tarmog‘ida mutaxassis va muxlislar o‘yin haqidagi fikrlari bilan o‘rtoqlashdi.
Xayrulla Hamidov: Oltin to‘pni Kloppga beringlare... “Kamp Nou”dagi kambekni tarixdan o‘chiringlar! Uch yil chorakfinal, bu yil yarimfinal. Nega xafa bo‘lasizlar, o‘sish boru) “Real”, “Yuve”, “Siti” kelolmagan joyga yetib keloldi, axir...
Sanat Sharipov: Messi balki individual texnika va qobilyat bo‘yicha Ronaldudan kuchlidir, lekin xaraktter bo‘yicha Ronalduga teng kela olmaydi. Hayot-mamot o‘yinlarda Ronaldu Messidan uch kalla baland turadi. Ronalduning eng zo‘r o‘yinlari mana shunday uchrashuvlarga to‘g‘ri keladi.
Bobur Akmalov: Trent Aleksandr Arnoldga “Nobel” bering! G‘alabada Alisson Bekkerniyam e’tirof etib qo‘yinglar! Messiga “Oltin to‘p”?
A sovringa loyiqligini isbotlash uchun “Enfild”ga kelishi kerak edi. Kelmabdi-ku!
Jamol Bobojonov: “MYU” PSJni Parijda yutdi. Daxshat dedik. Endi bu yil bunaqasi bo‘lmaydi dedik. “Ayaks” “Real”ni chiqarvordi. Orqasidan “Yuventus”ga pattasini qo‘liga tutqazdi. “Manchester Siti” – “Tottenhem” o‘yini ko‘rib, bunaqa futbol takrorlanmaydi dedik. Finalni o‘ylasam qo‘rqib ketayapman.
Furqat: Yuragimning urishini uzim eshityapman. Super adrenalin bo‘ldi.
Jasurbek Normetov: Uydan ishga kelguncha maglubiyatga bahona izlab karillagan "Barsafan" borki, ayamasdan tarsaki tushurdim. Qo‘llarim ogrib ketdi, yomonam terisi qattiq bularni)))
Dildora Holboyeva: Men muxlisman. G‘alabani ham mag‘lubiyatni ham tan olaman. “Barselona” sevimli jamoam bo‘lishda davom etadi...
Ikrom Aliboyev: Pley-off o‘yinlari ikkita o‘yindan iborat. Tak chto nikogda ne rasslabsya)))) Xayrli tun va Xayrli tong! Kuningiz xayrli o‘tsin Ro‘zadorlarga sabr. Bu dunyoda futboldan ham muximroq ishlar bor asabni asrang. U yakinlaringiz uchun kerak.
Shag‘boz Beg‘amov: «Barselona», naxotki? Ketma-ket ikkinchi yil-a? «Barselona» ancha Psjlashib ketibdi. Usta Yurgen Klopp!
Alisher Nikinbayev: Tri pretendenta na Zolotoy myach:
1. Trent
2. Aleksander
3. Arnold
Qahramon Aslanov: APL ni ikkinchi komandasini ikkinchi sostavi La liga chempionini dovdiratib tashladiku) 22 yoshli Aleksandr Arnold uglavoyda qilgan ishni, Eshli Yang, Fil Jons va Smollingni Zakovatchilar stoliga o‘tqazib, ikki minut vaqt berilsayam o‘ylab topa olmasalar kerak :)
Faraon: Yillar davomida hech narsa yutolmasa ham nega “Liverpul”ga muxlislik qilishlarini endi tushundim.
Odilbek Tolipov: “Liverpul” bu uyini uchun APLni xam olsa xursand bo‘lardim. Xudoga shukur, 4:0 xisobida yaxshiyam “Liverpul”ga yutqazganimiz, “MYU”ga yutqazmaganimizda. Eshigimni tagiga kelishvolardi karnay-surnaylarini kutarib (:
Jaloliddin Qobiljonov tayyorladi.
