Tojikistonlik murabbiy Vitaliy Levchenko O‘zbekiston terma jamoasining 2026 yilgi jahon chempionati guruh bosqichida Kongo DRga qarshi o‘yini haqida o‘z fikrlari bilan o‘rtoqlashdi.

— Kongo DRga qarshi bahsda g‘alabani saqlab qolish mumkinmidi? Buning uchun nima qilish kerak edi? Ikkinchi bo‘limda jamoaga nima bo‘ldi?

— Ha, g‘alabali hisobni saqlab qolish mumkin edi. Buning uchun jamoa biroz orqaroqqa chekinishi, yuqori pressingdan voz kechishi va o‘yin sur’atini yaxshiroq nazorat qilishi lozim edi. Bunday vaziyatlarda sur’atni pasaytirish, tanaffuslardan unumli foydalanish va zarurat tug‘ilganda taktik qoidabuzarliklar qilishni bilish kerak.

Ikkinchi bo‘limda jamoa ham jismoniy, ham ruhiy jihatdan pasayib ketdi. Shu bilan birga, murabbiylar shtabi maydondagi vaziyatga o‘z vaqtida munosabat bildirolmadi. Amalga oshirilgan almashtirishlar o‘yin sxemasini mustahkamlamadi va jamoaga uchrashuv nazoratini qaytarishga yordam bermadi. Bu esa jamoada amalda muqobil reja — «B reja» mavjud bo‘lmaganini ko‘rsatadi, — dedi Levchenko.

Eslatib o‘tamiz, JCH-2026 guruh bosqichining uchinchi turida O‘zbekiston terma jamoasi Kongo DRga qarshi bahsda 1:0 hisobida oldinda borayotganiga qaramay, yakunda 1:3 hisobida mag‘lub bo‘lgan edi. Kongoliklar guruhda uchinchi o‘rinni egallab, pley-offga chiqqan va 1/16 finalda Angliyaga 1:2 hisobida imkoniyatni boy bergan.