“Lion” klubi prezidenti Jan-Mishel Olas klub tizimida bo‘lgan o‘zgarishlarni tasdiqladi. 

“Lion”ga bosh murabbiy bo‘lib “Arsenal” va “Barselona”ning sobiq futbolchisi Silvinyo etib tayinlandi.

Sport direktori lavozimini esa “Lion”ning sobiq futbolchisi Juninyo Pernambukano egalladi. 

“Silvinyoda murabbiylik tajribasi unchalik yuqori emas. Uni Zidan bilan taqqoslashni istamayman, lekin top-futbolchilar eng zo‘r loyihalarni o‘ylab topishiga guvoh bo‘ldik.

U Manchini, Gvardiola, Venger qo‘l ostida ishladi. Unda boshqa takliflar ham bor edi, ammo biz uni ko‘ndira oldik”, - deydi Olas. 

Ma’lumot o‘rnida, “Lion” 37-turdan keyin 3-o‘rinni egallab turibdi.