“Лион” клуби президенти Жан-Мишель Олас клуб тизимида бўлган ўзгаришларни тасдиқлади. 

“Лион”га бош мураббий бўлиб “Арсенал” ва “Барселона”нинг собиқ футболчиси Силвиньо этиб тайинланди.

Спорт директори лавозимини эса “Лион”нинг собиқ футболчиси Жуниньо Пернамбукано эгаллади. 

“Силвиньода мураббийлик тажрибаси унчалик юқори эмас. Уни Зидан билан таққослашни истамайман, лекин топ-футболчилар энг зўр лойиҳаларни ўйлаб топишига гувоҳ бўлдик.

У Манчини, Гвардиола, Венгер қўл остида ишлади. Унда бошқа таклифлар ҳам бор эди, аммо биз уни кўндира олдик”, - дейди Олас. 

Маълумот ўрнида, “Лион” 37-турдан кейин 3-ўринни эгаллаб турибди.