Мадриднинг «Реал» клуби ҳужумчиси Винисиус Жуниор жамоани тарк этмоқчи эмас. Бразилиялик футболчининг «қироллик клуби» билан амалдаги шартномаси бир йилдан кейин якунига етади, бироқ ўйинчи шартномани узайтириш бўйича келишувга эришилишига ишонмоқда, дея хабар бермоқда журналист Хосе Феликс Диас. Аввалроқ томонлар Жаҳон чемпионати якунланиши биланоқ музокаралар ўтказиши ҳақида хабар берилган эди.
Винисиус Жуниор 2018 йилдан буён «Реал» шарафини ҳимоя қилиб келмоқда. 25 ёшли футболчи мадридликлар таркибида барча турнирларда жами 375 та учрашувда майдонга тушиб, 128 та гол ва 100 та голли узатмани ўз ҳисобига ёздириб қўйган.
