Madridning «Real» klubi hujumchisi Vinisius Junior jamoani tark etmoqchi emas. Braziliyalik futbolchining «qirollik klubi» bilan amaldagi shartnomasi bir yildan keyin yakuniga yetadi, biroq o‘yinchi shartnomani uzaytirish bo‘yicha kelishuvga erishilishiga ishonmoqda, deya xabar bermoqda jurnalist Xose Feliks Dias. Avvalroq tomonlar Jahon chempionati yakunlanishi bilanoq muzokaralar o‘tkazishi haqida xabar berilgan edi.
Vinisius Junior 2018 yildan buyon «Real» sharafini himoya qilib kelmoqda. 25 yoshli futbolchi madridliklar tarkibida barcha turnirlarda jami 375 ta uchrashuvda maydonga tushib, 128 ta gol va 100 ta golli uzatmani o‘z hisobiga yozdirib qo‘ygan.
