Ярим ҳимоячи Орельен Тчуамени ушбу ёзги трансфер ойнасида Мадриднинг «Реал» клубини тарк этмайди. TEAMtalk нашрининг хабар беришича, 26 ёшли франциялик футболчига Англия грандлари — «Манчестер Юнайтед» ва «Ливерпуль» қизиқиш билдирган. Шунга қарамай, «қаймоқранглилар» раҳбарияти ярим ҳимоянинг асосий фигураларидан бирини қўйиб юбориш ниятида эмас.

Жамоанинг янги бош мураббийи Жозе Моуриньо Тчуаменига тўлиқ ишонч билдирмоқда. Мутахассис янги мавсумда ушбу футболчини асосий таркибнинг муқим ўйинчиси сифатида кўрмоқда.

Ортда қолган мавсумда Тчуамени барча мусобақаларда 49 та учрашувда майдонга тушди. Футболчи ўз ҳисобига иккита гол ва иккита голли узатмани ёздириб қўйди. Эслатиб ўтамиз, «қаймоқранглилар» ўтган мавсумни муваффақиятсиз якунлаб, бирорта ҳам соврин қўлга кирита олишмаган эди.