Yarim himoyachi Orelyen Tchuameni ushbu yozgi transfer oynasida Madridning «Real» klubini tark etmaydi. TEAMtalk nashrining xabar berishicha, 26 yoshli fransiyalik futbolchiga Angliya grandlari — «Manchester Yunayted» va «Liverpul» qiziqish bildirgan. Shunga qaramay, «qaymoqranglilar» rahbariyati yarim himoyaning asosiy figuralaridan birini qo‘yib yuborish niyatida emas.
Jamoaning yangi bosh murabbiyi Joze Mourinyo Tchuameniga to‘liq ishonch bildirmoqda. Mutaxassis yangi mavsumda ushbu futbolchini asosiy tarkibning muqim o‘yinchisi sifatida ko‘rmoqda.
Ortda qolgan mavsumda Tchuameni barcha musobaqalarda 49 ta uchrashuvda maydonga tushdi. Futbolchi o‘z hisobiga ikkita gol va ikkita golli uzatmani yozdirib qo‘ydi. Eslatib o‘tamiz, «qaymoqranglilar» o‘tgan mavsumni muvaffaqiyatsiz yakunlab, birorta ham sovrin qo‘lga kirita olishmagan edi.
