Ўзбекистонлик 18 ёшли ўнг қанот ҳимоячиси Беҳруз Каримов фаолиятини Франциянинг “Ланс” клубида давом эттириши мумкин.
Хориж манбаларининг ёзишича, Ўзбекистон миллий жамоаси сафида Жаҳон чемпионатида иштирок этган иқтидорли футболчи ўзининг ишончли ҳаракатлари билан 7 та хориж клуби эътиборини тортган. Уларнинг орасида Абдуқодир Ҳусанов тўп сурган “Ланс” жамоаси ҳам бор.
Эътиборли жиҳати шундаки, Беҳруз Каримов ва Абдуқодир Ҳусановнинг агенти бир киши ҳисобланади. Мутахассисларнинг таъкидлашича, ушбу омил француз клубига трансфер музокараларида маълум даражада устунлик тақдим этиши мумкин.
Ўзига билдирилаётган қизиқишлар фонида Каримовнинг ўзи ҳам келажакдаги мақсадлари ҳақида айтиб ўтди:
“Мен учун энг муҳими — мунтазам ўйин амалиётига эга бўлиш. Хориж чемпионатида ўзимни кўрсатиб, тажриба тўплаш ва шундан сўнггина Европанинг номдор гранд клубларидан бирига ўтишни мақсад қилганман”.
Маълумот учун, Беҳруз Каримов Термизнинг “Сурхон” клуби аъзоси ҳисобланади. Футболчи 2026-йилги Жаҳон чемпионатида иккита учрашувда майдонга тушди. Таъкидлаш керакки, Каримов ушбу баҳсларда ўзининг устун томонларини яққол кўрсата олди.
