Ҳимоячи Алехандро Бальде шу ёзда «Барселона»ни тарк этмайди.

Diario SPORT нашри берган маълумотларга кўра, «Манчестер Сити» ва «Челси»дан 80 миллион евро миқдорида таклифлар тушганига қарамай, каталонияликлар президенти Жоан Лапорта футболчини «дахлсиз» деб ҳисоблайди. «Кўк-анорранглилар» спорт директору Деку футболчига қизиқиш билдираётган барча жамоаларни ҳимоячи сотилмаслиги ҳақида огоҳлантирган.

Алехандро Бальде — «Барселона» академияси тарбияланувчисидир. Унинг каталонияликлар билан шартномаси 2028 йилнинг 30 июнига қадар мўлжалланган. 2025/26 йилги мавсумда ҳимоячи «кўк-анорранглилар» сафида барча турнирларда 42 та ўйинда майдонга тушиб, 3 та голли узатмани амалга оширди.