"Manchester Siti" bosh murabbiyi Pep Gvardiola Angliya kubogining "Uotford"ga qarshi o‘tgan final uchrashuvidan so‘ng tashkil etilgan matbuot anjumanida muxbirlardan biriga tanbeh berdi. Chunki mutaxassisga jurnalistning qo‘shimcha maosh haqidagi savoli yoqmadi.
– Roberto Manchini "Manchester Siti"ni boshgargan paytlari Abu-Dabi qo‘shimcha maosh olib turganini bilamiz. Bu holat siz bilan ham ro‘y berganmi?
– Yo tovba… Siz menga qanday be’mani savol berayotganingizni tushunyapsizmi? Nahotki, siz meni shunday savolga munosib odam deb hisoblasangiz?! Roberto (Manchini nazarda tutilyapti) bu yerda nimalar qilganini bilmayman-u, ammo men faqat shartnomada ko‘rsatilgan haqimni olaman, xolos.
Siz esa jamoam bilan muhim sovrin qo‘lga kiritilgan kuni shunday beo‘xshov savol beryapsiz. Nima, meni ayblamoqchimisiz? –dedi jahli chiqqan Gvardiola matbuot anjumani chog‘ida.
Ta’kidlash lozim, uchrashuvda «shaharliklar» raqibni 6:0 hisobida yengib, musobaqa g‘olibiga aylanishdi.
