"Манчестер Сити" бош мураббийи Пеп Гвардиола Англия кубогининг "Уотфорд"га қарши ўтган финал учрашувидан сўнг ташкил этилган матбуот анжуманида мухбирлардан бирига танбеҳ берди. Чунки мутахассисга журналистнинг қўшимча маош ҳақидаги саволи ёқмади.
– Роберто Манчини "Манчестер Сити"ни бошгарган пайтлари Абу-Даби қўшимча маош олиб турганини биламиз. Бу ҳолат сиз билан ҳам рўй берганми?
– Ё товба… Сиз менга қандай беъмани савол бераётганингизни тушуняпсизми? Наҳотки, сиз мени шундай саволга муносиб одам деб ҳисобласангиз?! Роберто (Манчини назарда тутиляпти) бу ерда нималар қилганини билмайман-у, аммо мен фақат шартномада кўрсатилган ҳақимни оламан, холос.
Сиз эса жамоам билан муҳим соврин қўлга киритилган куни шундай беўхшов савол беряпсиз. Нима, мени айбламоқчимисиз? –деди жаҳли чиққан Гвардиола матбуот анжумани чоғида.
Таъкидлаш лозим, учрашувда «шаҳарликлар» рақибни 6:0 ҳисобида енгиб, мусобақа ғолибига айланишди.
