“Dinamo” – “Qizilqum” uchrashuvidan so‘ng mehmonlar ustozi Hamid Aktamov quyidagicha fikr bildirib o‘tdi:
- “Dinamo” jamoasi uyda yutkazmay kelayotganini bilar edik. Shuni inobatga olgan holda yaxshi hozirlik ko‘rgan edik. Ikkala jamoa ham yaxshi o‘yin namoyish etdi va yakunda jangovar durang qayd etildi. Bugun har ikki jamoa ham muxlislarga yoqadigan o‘yin namoyish etdi. O‘yin shiddati ancha yuqori bo‘ldi. Menimcha, 10ta tur ichidagi eng qiziqarli uchrashuvni o‘tkazdik. Bugun har ikkala jamoa ham g‘alaba qozonib ketishi mumkin edi. Lekin g‘alabani o‘z tomoniga og‘dirish uchun ikkala jamoaga ham oxirida biroz omad yetishmadi, - dedi mutaxassis.
