“Динамо” – “Қизилқум” учрашувидан сўнг меҳмонлар устози Ҳамид Актамов қуйидагича фикр билдириб ўтди: 

- “Динамо” жамоаси уйда ютказмай келаётганини билар эдик. Шуни инобатга олган ҳолда яхши ҳозирлик кўрган эдик. Иккала жамоа ҳам яхши ўйин намойиш этди ва якунда жанговар дуранг қайд этилди. Бугун ҳар икки жамоа ҳам мухлисларга ёқадиган ўйин намойиш этди. Ўйин шиддати анча юқори бўлди. Менимча, 10та тур ичидаги энг қизиқарли учрашувни ўтказдик. Бугун ҳар иккала жамоа ҳам ғалаба қозониб кетиши мумкин эди. Лекин ғалабани ўз томонига оғдириш учун иккала жамоага ҳам охирида бироз омад етишмади, - деди мутахассис.