«Liverpul» hujumchisi Sadio Manening aytishicha, YECHLning «Tottenxem»ga qarshi o‘tadigan final bahsida «qizillar» favorit sanalishadi.

«Biz joriy mavsum YECHL finalida favorit ekanimizdan uyalmasligimiz lozim. Yarim finalning «Barselona»ga qarshi o‘tgan javob o‘yiniga kelsak, o‘shanda Klopp jamoani ruhlantirish uchun qattiq harakat qildi. Ammo rostini aytsam, «Barsa»ni 4:0 hisobida mag‘lub eta olishimizga murabbiyimizning o‘zi ham ishonmagan edi. Mo‘’jiza ro‘y berib, biz buni uddalay oldik», — dedi Mane.